جوجو:أخبار الخطوبة ايه
روما:زى البطيخه ياأختى
جوجو:وطلعت ايه
روما:نصها احمر والتانى .......
جوجو:عندك حق والله
روما:انا كنت فاهمه الخطوبه غلط اصلا
جوجو:ازاى
روما:الناس فاكره إن الخطوبه خروجات وكلام ف التليفون طول الليل
جوجو:امال هى ايه انتى حيرتينى معاكى
روما:خناقات طبعا
جوجو:لازم من دا ع دا بس تكون بحدود واحترام
روما:عندك حق طبعا
جوجو :طيب انتى ايه رايك فى حوار الخروجات دا
روما:هى الخروجات مش غلط بس بشروط
جوجو:صح طبعا بس مش كل الناس بتلتزم بكدا
روما:اه فعلا هى الخروجات مهمه فيه تفاعل بينكم ف مواقف مختلفه بس ع الاقل يكون فى محرم نضحك عليه بآيس كريم
جوجو:طيب ايه رايك ف الناس اللى بيظهروا حبهم ع الفيس
روما:مش بفضل الكلام دا والافضل ان مشاعرنا تفضل بينا وعلى رأى المثل (دارى ع شمعتك تقيد)
جوجو:ايوه صح وربنا يبعد عننا العين
ليست هناك تعليقات :
إرسال تعليق